Атырау, 23 сәуір 17:23
Түнде бұлыңғыр болады+9, таңертең +15
ҚР Ұлттық банкінің валюта бағамы: $ 377.11  € 424.21  P 5.91

Ерлан Қарин «Нұр Отан» ХДП хатшысы қызметінен босатылды

29 тамыз 2013 14:38

Шетелдік іс-тәжірибеден өтуіне байланысты Ерлан Қарин «Нұр Отан» партиясының Хатшысы қызметінен босатылды, деп хабарланған партия сайтында.

2013 жылғы 28 тамызда «Нұр Отан» партиясының хатшысы міндетін атқарушы боп Болат Берсебаев тағайындалды. 

Болат Берсебаев Әль-Фараби атындағы Қазақ ұлттық университетінің түлегі (1999), ҚР Президентінің халықаралық «Болашақ» бағдарламасы бойынша Германияның Ф. Шиллер атындағы университетінде білім алған, саясаттану магистрі.

Қазақстан Республикасының Қауіпсіздік Кеңесі Хатшылығында, ҚР Президентінің баспасөз-хатшысының орынбасары, «Арна Медиа» ұлттық ақпараттық холдингі» акционерлік қоғамының басқарушы директоры, Қазақстан Республикасы Мәдениет және ақпарат министрлігінің Ақпарат және мұрағат комитетінің Төрағасы, Қазақстан Республикасы Президенті Әкімшілігінің мемлекеттік инспекторы қызметтерін атқарған. «Нұр Отан» партиясының Хатшысы міндетін атқарушы болып тағайындалуына дейін «Нұр Отан» партиясы Төрағасының Бірінші орынбасары кеңесшісі болды.

Сонымен қатар, Астана қаласында 2013 жылғы 18 қазанда Қазақстанның барлық өңірлерінен 1200-ден астам делегат қатысатын «Нұр Отан» партиясының XV съезді өтеді.

Дереккөз: bnews.kz

Нашли ошибку? Выделите её мышью и нажмите Ctrl + Enter.
 

1327 рет қаралдыБасты бет Поделиться:

Подпишитесь и узнавайте о новостях первыми


Басты бет

1 2 3 4 5