В Атырау +1 
Егер сізге валютаны айырбастаудан бас тартса, мұндай жағдайда қандай ережелер қолданылатынын және заңсыз бас тартылса не істеу керектігін білу маңызды. Бұл туралы nationalbank.kz сайты түсіндіреді.
Қандай валюталар жарамды?
ҚҰБ мәліметінше, жарамды банкноталар — бұл өз елінде заңды төлем құралы саналатын және сол елдің ресми сипаттамасына толық сәйкес келетін ақша белгілері.
Жарамсыз және төлемге қабілетсіз банкноталар
Айналымнан шығарылған немесе жыртылған, бүлінген, басқа да кемшілігі бар банкноталар төлемге қабілетсіз немесе жарамсыз деп танылады. Мұндай купюраларды тек шетелдік банктермен инкассалық шарт жасасқан уәкілетті банктер ғана қабылдай алады. Айырбастау кезінде алынатын комиссия банкнота номиналының 10%-нан аспауы тиіс.
Клиент мұндай операциялар кезінде жазбаша келісімге қол қойып, шетелдік банктің банкнотаны айырбастаудан бас тартуы мүмкін екендігі туралы ескертіледі.
Айырбастаудан бас тартуға қандай жағдайда құқығы жоқ?
Айналымға жарамды банкноталар болған жағдайда, айырбастау пункттері келесі жағдайларды қоспағанда, операцияны жүргізуден бас тарта алмайды:
-
Қылмыстық жолмен алынған кірістерді заңдастыруға және терроризмді қаржыландыруға қарсы шаралар қолданылса;
-
Тұтынушы жеке басын куәландыратын құжатты немесе цифрлық растаманы ұсынбаса.
Егер айырбастауға заңсыз бас тартылса не істеу керек:
Егер сізге заңға сай емес себеппен айырбастау қызметінен бас тартылса, Қазақстан Ұлттық Банкінің аймақтық филиалдарына шағымдануға құқылысыз. Филиалдардың байланыс нөмірлерін ресми сайттан табуға болады: www.nationalbank.kz.