Атырау, 23 сәуір 21:46
Түнде бұлыңғыр болады+9, таңертең +14
ҚР Ұлттық банкінің валюта бағамы: $ 377.11  € 424.21  P 5.91

Қазақстанда айына миллион теңге жалақы алатын қызметтер анықталды

26 тамыз 2013 15:08

2013 жылдың шілдесінде 4 338 вакансияның ішінде сыйақысы ең жоғарысы (жұмыс берушілердің барлық ұсыныстарының 32%-ын құраған) сауда саласында екені белгілі болды. Оған сәйкес, бас директор қызметі үшін айына бір миллион теңге және компания табысынан жылдық бонус ұсынылған, деп хабарлайды BNews.kz тілшісі Қазақстандағы HeadHunter компаниясына сілтеме жасап. 

Аталмыш топ-менеджердің қызметіне сатылымдарды басқару, баға белгілеу жүйесін жасау міндеттері кіреді. Зерттелген аумақта жалақысы жоғары мамандықтар «Құрылыс және жылжымайтын мүлік» (500-ден 800 мыңға дейін) және «Өндіріс» салаларына тиесілі (3 мың мен 4 мың доллар арасында). 

Ал ең төменгі жалақы ІТ-салада (15 мың теңгеге дейін) және банк құрылымында (18 мыңнан 35 мың теңгеге дейін) екен. Көп жағдайда бұл тағлымдамадан, іс-тәжірибеден өтушілер мен студенттерге арналған ұсыныс деп есептеледі.

«Миллиондық вакансия – әрине, онлайн-рекрутменттің қазақстандық алаңы үшін ең жоғарғы жалақы емес. Мамандар ескеріп өткендей, әдетте, компаниялар «ең қымбат» жалақылар туралы жұртшылыққа жар сала бермейді, себебі олар көпшілік біле бермейтін «топтық» вакансиялар. Дәл сол себептерге байланысты біздің рейтингімізде банк пен құрылыс салалары жарияланған жалақылар деңгейінің құпиялылығымен және шектеулілігімен ерекшеленді», - деп атап өтті HeadHunter Қазақстан компаниясының маркетинг және PR директоры Марина Сакиева. 

Дереккөз: bnews.kz

Нашли ошибку? Выделите её мышью и нажмите Ctrl + Enter.
 

1314 рет қаралдыБасты бет Поделиться:

Подпишитесь и узнавайте о новостях первыми


Басты бет

1 2 3 4 5