Нұрсұлтан Назарбаев Санкт-Петербордағы «G20» Саммитіне қатысады

ҚР Президенті Нұрсұлтан Назарбаев «үлкен жиырмалық» Саммитіне қатысады. Бұл туралы бүгін ҚР Президенті жанындағы Орталық коммуникациялар қызметінде өткен брифингте Қазақстан Республикасы Сыртқы істер министрінің орынбасары Қайрат Сарыбай мәлім етті.

«5-6 қыркүйекте Елбасы Санкт-Петербордағы «G20» Саммитіне қатысады», - деді вице-министр.

Айта кетейік, «үлкен жиырмалық» саммитіне 20 елдің президенті, сондай-ақ шақырылған 6 мемлекеттің көшбасшысы және экономикалық саладағы 8 ірі әлемдік ұйымның басшылары қатысады. Негізгі шаралар Константинов сарайында өтеді.

ҚазАқпарат