Қазақстан үкіметі сұйытылған газдың көтерме өткізу шектік бағасын көтерді

АСТАНА, 7 там – Қазақстан жаңалықтары АА. Қазақстан үкіметі ішкі нарығында сұйытылған мұнай газын көтерме саудада өткізудің шектік бағасын көтерді.  

Тиісті қаулы сәрсенбіде ресми баспада жарияланды.

«Қазақстан Республикасының ішкі нарығында сұйытылған мұнай газын көтерме саудада өткізудің 2013 жылғы 30 қыркүйекке дейінгі кезеңге арналған шекті бағасы қосылған құн салығын есепке алмағанда, тоннасына 34546,10 теңге (отыз төрт мың бес жүз қырық алты теңге он тиын) мөлшерінде белгіленсін», - делінген құжатта.

Осы қаулы алғашқы ресми жарияланғанынан кейін күнтізбелік он бес күн өткен соң қолданысқа енгізіледі.

Дереккөз: newskaz.kz