В Атырау +3 
Елбасы Нұрсұлтан Назарбаев Запастағы және резервтегi офицерлер ұйымының халықаралық консультативтi комитетiнiң шешiмiмен "Рыцарлығы үшiн" номер бiрiншi орденiмен марапатталды.
Бұл туралы бүгiн Астанада "Бейбiтшiлiк және достық миссиясы" халықаралық гуманитарлық акциясы және комитеттiң 3-отырысында ұйым президентi Александр Каньшин мәлiм еттi.
«Бiр жыл бұрын Венада бiз комитеттiң "Рыцарьлығы үшiн" атты ең жоғары наградасын құру жөнiнде шешiм қабылдадық. Онымен ардагерлер ұйымдарының, қарулы күштердiң дамуына үлкен үлес қосқан мемлекет басшылары марапатталады. Сонымен қатар бiз ордендi өз елiн қорғау үшiн түрлi соғыстарға қатысқан аса көрнектi, беделдi, ең үздiк әскери тұлғаларға, ардагерлерге берудi жоспарлап отырмыз. Мен Запастағы және резервтегi офицерлер ұйымының халықаралық консультативтi комитетiнiң бiрауыздан қабылданған шешiмiмен "Рыцарлығы үшiн" атты номерi бiрiншi орденiмен Қазақстан Республикасының Президентi Нұрсұлтан Назарбаев марапатталатынын үлкен қуанышпен жариялаймын», - дедi А.Каньшин.
Айта кетейiк, 16-17 шiлде күндерi өтетiн Запастағы және резервтегi офицерлер ұйымының халықаралық консультативтi комитетiнiң 3-отырысы мен "Бейбiтшiлiк және достық миссиясы" халықаралық гуманитарлық акциясының жұмысына Батыс, Орталық және Шығыс Еуропаның, Азияның және Таяу Шығыс, Африканың 30 астам елдерiнен 700-ге тарта делегация мүшелерi қатысуда.
Дереккөз: ҚазАқпарат
16 шілде 2013, 17:55