Атырау, 29 наурыз 11:10
 ашықВ Атырау +10
$ 448.15
€ 483.46
₽ 4.86

Қазақстан мен Қытай шекарасында су торабы ашылады

4 239 просмотра
Бүгін Алматы облысының Панфилов ауданындағы Қорғас өзенінде Қазақстан мен Қытай арасындағы "Достық" ортақ бірлескен су торабының ашылу рәсімі өтеді.

Қорғас шекара бекетінен 24,5 шақырым жердегі Қорғас өзеніндегі бұл су торабының құрылысын қаржыландыруды тараптар тең бөліскен болатын. Ол 2001 жылғы 12 қыркүйектегі Қазақстан мен Қытай Үкіметтері арасындағы трансшекаралық өзендерді пайдалану және қорғау саласындағы ынтымақтастық туралы келісім негізіндегі 2010 жылғы 13 қарашадағы Қорғас өзенінде "Достық" ортақ бірлескен су торабын салудағы ынтымақтастық туралы келісім бойынша жүзеге асырылды. Оны іске асыруға уәкілетті орган Қазақстан тарапынан ҚР Ауыл шаруашылығы министрлігінің Су ресурстары комитеті, Қытай тарапынан Шыңжаң өндірістік-құрылыс корпусы болып табылады. Құны 9 млн. 560 мың долларға бағаланған жоба құрылысының бас мердігері болып қытайлықтар тағайындалды. Бастапқыда 2010 жылы басталып, 2011 жылы аяқталады деп жоспарланған су торабының жобалық-сметалық құжаттарын Қазақстан тарапы Қытай жағына 2010 жылдың жазында табыс еткен еді.

Дереккөз: ҚазАқпарат

5 шілде 2013, 09:35

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.