Мысыр әскері М.Мурсиді қызметінен тайдырып, конституция күшін жойды

Мысыр әскері Мысыр президенті Мохаммед Мурсидің қызметінен кеткенін және конституцияның өз күшін уақытша жойғанын жариялады, деп хабарлады Al-Jazeera телеарнасына сілтеме жасай отырып РБК.

Мысырдың уақытша басшысы болып Конституциялық сот төрағасы Адли Мансұр тағайындалды. Болжам бойынша, ол бейсенбі, 4 шілде күні ант қабылдайды. Адли Мансұр ресми түрде уақытша үкіметтің басшысы болады. А.Мансұрға өз құттықтауларын Сауд Арабиясының королі жолдады.

Уақытша министрлер кабинетінің қалыптасуынан басқа әскерилердің жоспары мерзімінен бұрын президенттік және парламенттік сайлаулардың өткізілуін қарастырады. Сайлауға дайындықпен арнайы комиссия айналысады.

Дереккөз: bnews.kz