Қызылорда түбінде апатқа ұшыраған АН-2 әуе кемесінің қаза тапқан ұшқышы - Өзбекстан азаматы

АСТАНА. 29 маусым. ҚазАқпарат - АН-2 ұшағында опат болған ұшқыш, әуе кемесінің командирі Өзбекстанның азаматы болып шықты.

Бұл туралы ҚР Бас көлік прокуратурасының баспасөз қызметінен хабарлады.

Кеше сағат 19.40-та Қызылорда облысы Сырдария ауданы Тереңөзек кентінің маңында әуе химиялық жұмыстарды жүргізу кезінде «Азия континенталь авиалайнс» әуе компаниясына тиесілі АН-2 ұшағы апатқа ұшырады. Оның бортында 2 экипаж мүшесі болған.

Ұшақ командирі, Өзбекстан Республикасының азаматы Сергей Капилаж ажал құшты (сот-медициналық сараптама тағайындалды). Екінші ұшқыш Қазақстан Республикасының азаматы Валерий Силаволдың жағдайы ауыр, ол ауруханада жатыр.

Дереккөз: inform.kz