Атырау, 19 маусым 23:41
Таңертең бұлтты+31, күндіз +32
ҚР Ұлттық банкінің валюта бағамы: $ 383.69  € 429.08  P 5.97

АрселорМиттал Теміртауда апат орын алды, қаза тапқандар жоқ, ТЖ орнына Исекешев келді

27 маусым 2013 12:38

АСТАНА,  27  мау  –Қазақстан жаңалықтары АА. ҚР Премьер-Министрінің тапсырмасымен «Арселор Миттал Теміртау» АҚ-дағы өндірістік апат орнына вице-премьер – ҚР индустрия және жаңа технологиялар министрі Әсет Исекешев аттанды, бүгін ол сонда Штаб отырысын өткізеді деп хабарлады ҚР Премьер-Министрінің баспасөз қызметінен.

Сәрсенбі күні «Арселор Миттал Теміртау» АҚ-дың ХУ-1 кокс химиялық өндірісіндегі темір бетонды түтін құбыры бұзылған.
№ 5 кокс батареясының жылыту қабырғаларынан жанғыш өнімдерді жоюға арналған құбырдың бір бөлігі қираған. Құбырдың сыртқы диаметрі 11 метрді құрайды, ал биіктігі - 90 метр.
 
Нәтижесінде диаметрі 2000 мм болатын тікелей кокс газының газ құбыры зақымдалып, кокс газы, көмір дайындайтын цех галереясы өртенген.

Апат салдарынан домна, аглодомендік және илек өндірісі шектелген.

ҚР ТЖМ мәліметіне қарағанда, сағат 17.45-те ӨСжАҚЖҚ, «Өрт сөндіруші» АҚФ күшімен жалын ауыздықталып, сағат 21.45-те толығымен сөндірілді. Қаза тапқандар мен зардап шеккендер жоқ.
 
«ҚР Премьер-Министрінің тапсырмасымен ТЖ орнына ҚР вице-премьері -индустрия және жаңа технологиялар министрі Әсет Исекешев аттанды, ол штаб отырысын өткізеді», - делінген хабарламада.

«АрселорМиттал Теміртау» АҚ ArcelorMittal трансұлттық компаниясының құрамына кіреді, Қазақстанның тау-кен металлургиясы саласындағы ең ірі кәсіпорны болып табылады.
 
Дереккөз: newskaz.kz
 
Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

843 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4