Құлсарыда жұқпалы ауру тіркелген жоқ

Бұл туралы Атырау облысы әкімінің орынбасары Мұрат Мурзиев мәлімдеді.

Су тасқыны басталған уақыттан бері Құлсары қаласында жұқпалы аурулар тіркелген жоқ.

⁃ Қазіргі уақытта түрлі вирустарды анықтауға зертханалық зерттеулер жүргізу үшін тасқын судан барлығы 143 сынама алынды. Оның ішінде 130 сынама теріс нәтиже берді, 13 сынама бойынша мамандар зерттеулер жүргізуде, - деді Мұрат Мурзиев.

Атырау облысының ТЖ жөніндегі жедел штабыҚұлсары қаласында тасқын судан сынамалар күнделікті  алынатынын атап өтті.