"Қазақстан мұсылмандар одағы" төрағасы ұсталды

"Қазақстан мұсылмандар одағы" ұйымының төрағасы Мұрат Телібеков ұсталды. Бұл туралы Азаттық тілшісіне Алматы қалалық ішкі істер департаментінің баспасөз қызметі хабарлады.  

Баспасөз қызметінің ақпараты бойынша, Телібеков қала тұрғынының жазған шағымы бойынша ұсталған. Шағым жазған азамат Телібековтің өзін "заңсыз өткізетін акцияға шақырғаны" жөнінде айтады. Ұйым төрағасы осы жағдайды "анықтау үшін" ұсталған.

Бұған дейін Мұрат Телібековтің сейсенбі, 4 маусымда Алматы қалалық әкімшілігінің алдында азаматтарды жинап, қала әкімі Ахметжан Есімовпен кездестіруді жоспарлап отырғаны хабарланған. Кездесуде түрлі мәселе айтылмақ болған.

 

Дереккөз: "Азаттық радиосы"