Есірткі саудагерлерінің арбауына түсіп қалмаңыз

Атырау сайттарында көбіне есірткі сатушылар синтетикалық есірткі жасырушы ретінде жұмыс істеуге адамдарды тартып, курьер немесе әкімші ретінде бос орындарын ұсынады. Атырау облыстық ішкі және сыртқы коммуникациялар бөлімінің басшысы Мейірім ЕРДӘУЛЕТТІҢ ақпаратынша, көбіне қысқа уақыт ішінде жоғары жалақыны уәде ететін мұндай хабарландырулар тұзағына әсіресе 17 мен 35 жас аралығындағы жастар түседі.

Атырау сайттарынан кез келген жұмысты оңай табуға болады, соның ішінде «АЖ» сағатына 250-ден 500 мың теңгеге дейін табуға болатын бірнеше курьерлік бос орындарды таптым. Дәл осындай хабарландырулар полицияның мұқият назарында болуы керек, азық-түлік жеткізушінің бір сағат ішінде мұндай сома таба алады дегенге сену қиын, әрине.

Полицейлердің айтуынша, есірткі сатушыларды анықтау жұмыстары жүріп жатыр. ҚР ІІМ Есірткі қылмысына қарсы күрес департаментінде жоғары технологиялар саласында білімі бар мамандардан құралған арнайы бөлімше құрылды. Бөлімше жоғары жылдамдықты компьютерлік техникамен жабдықталған және олардың айтуынша, интернет арқылы үнемі бақылау жүргізіледі.

Бұл мамандар қалай жұмыс істейді? Атырау полиция департаменті есірткінің таралуына қатысты ақпаратты қамтитын сайттарға, жарнамалық беттерге, хабарландыруларға және телеграм чат логиндеріне сілтемелерді іздестіретіндерін айтты. Бұл, әрине, жақсы. Дегенмен, есірткі сатушылар да ақымақ емес қой, олар хабарландыруларға «Мефедрон сатамын, ...нөмірге қоңырау шалыңыз» деп жазуы екіталай.

Полиция департаментінің мәліметінше, биыл есірткі саудасы үшін сотталған 15 адам бар. Ал өткен жылы 18 адам болған. Олардың ең жасы әлі кәмелеттік жасқа толмаған. Бостандыққа шыққан кезде жасы 30-ға келеді.

Синтетикалық нашақорлар туралы тағы бір қорқынышты статистиканы наркодиспансер келтірді. ЦПЗ (психиатриялық стационар мен амбулатория) мәліметтері бойынша, бір ғана Атырау қаласының өзінде 522 адам есепте тұр. Оның 25-і жас әйелдер, оның ішінде есірткіге тәуелді бүлдіршін бар.

Полиция департаменті Атырау облысының резиденті емес үш істің желісін ұсынды. Олардың бірі 10 жылға сотталған қарағандылық әйел. Жас келіншек Атырауға есірткі сату үшін арнайы келіп, пәтер жалдап, бос уақытында есірткі жасырған. Ол есірткіні Telegram мессенджері арқылы «белгісіз адамнан» сатып алған. Яғни, есірткі әкімшісі әлі күнге дейін адамдарды тартып, табысты жұмыс істеп жатыр.

Осы мақсатта Тараздан Атырауға арнайы келген екі әйел мен екі ер адам да сотталды. Мүмкін отбасы шығар. Оларда «альфадан» мефедронға дейін синтетиканың көп түрі болған. Қалада болған уақытта олар 2,5 келі есірткіні өткізіп үлгерген. Ал бұл аса ірі қылмыс, сондықтан олардың әрқайсысы 10 жылдан бас бостандығынан айырылды. Олардың бәрі 19 бен 30 жас аралығындағылар.

Айтпақшы, жастар туралы. Бүгінде киберволонтерлерді құру жобасы жүзеге асырылуда. Полиция жастарды өз жұмысына тартып, сол арқылы олардың санасында есірткінің зиянды туралы түсінік қалыптастырып, сонымен бірге, көмектескісі келеді. Оларға құпиялылық және қашықтан жұмыс істеу уәде етіледі.

Анастасия ШЕРСТЯНКИНА

Атырау  сайтындағы жұмыс орны туралы хабарландыру скриншоты