Costa Cruises компаниясына 1 млн. еуро айыппұл салынды

Суға батып кеткен Costa Concordia саяхат кемесінің қожайыны Costa Cruises компаниясы 1 млн. еуро көлемінде әкімшілік айыппұл төлейтін болды.

32 адамның өліміне себеп болған саяхат кемесінің иесіне кесілген жаза осындай. Апат кезінде кеме қызметкерлері ереже бұзып, қателік жіберсе де, кеменің қожайыны қылмыстық жауапкершілікке тартылмайтын болды. Естеріңізге салайық, саяхат кемесі былтыр 14 қаңтарда Тиррен теңізінде Джильо аралының маңында суға батқан еді. Апат кезінде кеме бортында 4 мыңнан астам жолаушы болған. Екі адам әлі күнге дейін із-түзсіз жоғалғандар санатында.

Дереккөз: 24.kz