В Атырау
-3 
8 шілдеде “Самұрық-Қазына" компаниялар тобына кіретін Kazakhstan Petrochemical Industries Inc. компаниясы Атырау қаласындағы біріккен газ-химиялық зауытта іске қосу-реттеу жұмыстарының бірінші кезеңі аяқталғаны туралы хабарлады.
KPI баспасөз қызметінің хабарлауынша, зауытта технологиялық қондырғыларға пропан беру басталды. Келесі аптада компания іске қосу – реттеу жұмыстарының екінші кезеңіне - пропанды дегидрлеу реакторларына катализаторды жүктеуге кіріседі. Зауытта өндірісті іске қосу тамыз айына белгіленген.
Атырау маңындағы біріккен газ-химия кешені - Қазақстанның мұнай-газ-химия саласындағы алғашқы ірі жобасы.
Зауытта Теңіз кен орнынан жеткізілетін пропаннан полипропилен өндіріледі. Бұл - пластикалық жіп, құбыр, пленка, сөмке, медициналық және басқа да өнімдерді өндіруге арналған негізгі шикізат.
Зауыттың қуаты жылына 500 000 тонна полипропиленді құрайды.
Дайындаған Айнұр САПАРОВА