Қазақстанда тыныштық сақтау уақыты ұзарды

Қазақстанда тыныштық сақтау уақыты ұзарды. Мәжілістегілер жаңа заңды мақұлдады, - деп хабарлайды Tengrinews.kz тілшісі.

"Қазақстан Республикасы Конституциясының 14-бабының талаптарын орындау мақсатында барлық қазақстандық үшін тыныштық режимінің уақыты бекітілді: жұмыс күндері сағат 22.00-ден 09.00-ге дейін, демалыс күндері сағат 23.00-ден 10.00-ге дейін тыныштық бұзуға тыйым салынады", - деді депутат Зәуреш Аманжолова Мәжіліс отырысында.

Айта кетейік, осыған дейін Қазақстанда сағат 23.00-ден таңғы 6-ға дейін тыныштық бұзғандар жауапкершілікке тартылған болатын.

Дереккөз: Tengrinews.kz