Қазақстанда соңғы қоңыраудың қалай өтетіні белгілі болды

Премьер-министрдің орынбасары Ералы Тоғжанов соңғы қоңыраудың қалай өтетінін айтты, деп хабарлайды Sputnik Қазақстан тілшісі.

"Оқу жылының соңына дейін 3,3 миллион оқушы мен 1 миллион студентке қашықтан білім беру жұмысы жалғасады. Аттестатты тапсыру және соңғы қоңырау мектептерде 3-4 маусымда ашық кеңістікте өтеді. Адамдардың саны шектеулі, ал санитарлық нормалар қатаң сақталады", – деді премьер-министрдің орынбасары Ералы Тоғжанов бүгінгі онлайн брифингте.

Оның айтуынша, ұлттық бірыңғай тестілеу штаттық режимде 20 маусымда басталады. Респбулика бойынша 168 тест тапсыру пункті болады. Ол жерде санитарлық-эпидемиологиялық нормалар қатаң сақталады.

Еске сала кетейік, осы кезге дейін білім және ғылым вице-министрі Шолпан Каринова соңғы қоңырау шарасын өткізуге қатысты пікір білдірген. Ол БАҚ өкілдеріне арналған брифинг барысында: "егер жағдай өзгермесе, соңғы қоңырау болмайды", – деп мәлімдеген.

Дереккөз: sputniknews.kz