Тоқаев карантинге қатысты мәлімдеме жасады

Мемлекет басшысы Қасым-Жомарт Тоқаев карантин шектеулеріне қатысты мәлімдеме жасады. Президенттің Төтенше жағдай режимін қамтамасыз ету жөніндегі мемлекеттік комиссияның қорытынды отырысында айтқан сөзін баспасөз хатшысы Берік Уәли Facebook желісінде бөлісті.

"Бүгін бүкіл ел аумағындағы төтенше жағдай режимі аяқталды. Алайда, кейбір аймақтарда дерттің таралуы бәсеңдемей отыр. Індет толығымен жойылып кеткен жоқ. Пандемия халықтың денсаулығына әлі де қауіпті. Сондықтан карантиндік шектеулер әр өңірдегі жағдайдың жақсаруына қарай біртіндеп алынады", - деді Тоқаев Төтенше жағдай режимін қамтамасыз ету жөніндегі мемлекеттік комиссияның қорытынды отырысында.

Президенттің сөйлеген сөзінің толық мәтіні akorda.kz сайтында жарияланады