Атырау, 2 шілде 10:00
 бұлттыВ Атырау +22
$ 466.44
€ 487.71
₽ 8.56

Біртанов Алматыдағы аурухана басшылығының қатесін айтып, дәрігерлердің жалақысын арттыруды сұрады

2 528 просмотра


Денсаулық сақтау министрі Елжан Біртанов Алматы қалалық балалар жұқпалы аурулар ауруханасының қабылдау бөлімі дәрігерлерінің еңбекақысына қатысты өтініштеріне жауап берді, деп хабарлайды Stan.kz ақпарат агенттігі. 

Ол өзінің Facebook-тегі парақшасында Алматы қоғамдық денсаулық басқармасы мемлекет басшысының тапсырмасына сәйкес әзірленген денсаулық сақтау министрлігінің коронавирустық инфекцияға қарсы іс-қимылмен айналысатын дәрігерлердің төлемдерін реттейтін бұйрығын түсіндіруде қате жібергенін мәлімдеді.

Министрдің сөзінше, инфекциялық стационарлардың барлық дәрігерлері, медбикелері мен кіші медициналық қызметкерлері жалақыға тиісті үстеме ақы төленетін 1-ші санатқа жатады.

"Басқарма басшылығы мен клиникалардан ертең таңертең қатені жойып, бекітілген бұйрыққа сәйкес қосымша ақы төлеуді сұраймын! МӘСҚ басшылығынан бақылауды және ертең орындалуы туралы баяндауды сұраймын! Келтірілген қолайсыздықтар үшін кешірім сұраймын, Фейсбукке қолым енді жетіп, әріптестерімнің үндеуін оқып шықтым", - деп жазды Елжан Біртанов.

10 сәуір 2020, 12:20

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.