Теңізде өрт шықты

Бүгін, 5 наурызда, күндізгі уақытта Теңіз кен орнындағы Үшінші буын зауыты аумағында өрт шықты. Белгісіз адам қою қара түтінді бейнежазбаға түсіріп, «Теңізде жарылыс болды. Өртеніп жатырмыз!» деп үрей туғызды.

-5 наурызда шамамен сағат 16.00 ТШО-ның  төтенше жағдай операторына Үшінші буын шикі газ айдау қондырғысының құрылыс алаңында өрт шыққаны туралы хабарлама түсті, - деп хабарлады «Теңізшевройл» ЖШС баспасөз қызметі. – Жедел түрде оқиға орнына ТШО өрт сөндіру-апаттық  қызмет  мамандары жіберілді.

Сағат жарым уақыттан кейін өрт толықтай ауыздықталды. Қызметкерлерден зардап шеккендер жоқ. Өрттің шығу себебі анықталуда.  

Фархат ӘБІЛОВ

Бейнежезба әлеуметтік желіден алынды