Атырау, 29 наурыз 12:24
 ашықВ Атырау +10
$ 448.15
€ 483.46
₽ 4.86

Петропавлда коронавирус жұқтырды деген күдікпен 4 адам шұғыл ауруханаға жеткізілді

3 114 просмотра


Петропавл қаласында "коронавирус жұқтырды" деген күдікпен төрт адам ауруханаға жеткізілді. Төртеуі де бір отбасының мүшелері, деп хабарлайды Sputnik Қазақстан тілшісі.

Осыдан бір күн бұрын әлеуметтік желілерде арнайы киім киген медицина қызметкерлерінің екі көлікпен адамдарды әкетіп бара жатқан видеосы тараған болатын. Облыстық денсаулық сақтау басқармасы мәселенің мән-жайын түсіндірді. Ресми мәліметке сәйкес, бір отбасының мүшелері Тайландтан келіп, дене қызуының көтерілгенін байқаған. 

"Ерлі-зайыптылар екі баласымен Тайландтан ұшып келген. Дене қызуы болды. Барлығын "коронавирус жұқтырды" деген күдікпен инфекциялық бөлімге жатқызды. Олар тексерістен өтті. Зертханалық сынамалардың нәтижесінде коронавирустық инфекция анықталған жоқ. Медицина қызметкерлері тәртіп бойынша әрекет етті", - дейді мамандар.

Қазіргі кезде әйел балаларымен бірге инфекциялық бөлімде жатыр. Ал ер адам қалалық ауруханаға ауыстырылды. Төртеуінің де жағдайы қалыпты.

Дереккөз: Sputniknews.kz

20 ақпан 2020, 10:31

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.