Қазақстанның 15 қаласында пәтер қымбаттады

2 335 рет қаралды

Қазақстанның 15 қаласында пәтер қымбаттаған. Орташа есеппен 1,7 пайызға өскен, - деп хабарлайды Krisha.kz.

Сарапшылардың мәліметінше, қаңтарда орташа есеппен пәтердің шаршы метрі 214 875 теңгеге жеткен. Бұл желтоқсандағы көрсеткішпен салыстырғанда 4 пайызға көп екен.

"Өскеменде пәтер бағасы 3,8 пайызға өсіп, шаршы метрі 225 375 теңгеге жеткен. Семейде де пәтер 3,2 пайызға қымбаттап, шаршы метрінің бағасы 190 178 теңге болды. Ал Алматыда пәтер 2,8 пайызға қымбаттап, шаршы метрі 420 750 теңгеге жеткен", - делінген сарапшылардың зерттеуінде.

Сондай-ақ, мамандардың айтуынша, Қарағанды да пәтердің шаршы метрі 231 150 теңгеге жетсе, Шымкентте шаршы метр 249 050 теңге болған.

"Оралда да пәтер қымбаттаған. Мұнда пәтердің шаршы метрі орташа есеппен 204 525 теңге. Петропавлда да бұл көрсеткіш өскен - 232 175 теңге болған. Павлодар мен Көкшетауда 1,5 пайызға өсіп, шаршы метрі 263 375 теңгеге жеткен", - дейді сарапшылар.

Дереккөз: Matritca.kz

1 ақпан 2020, 12:58

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.