Алматыда ер адам тұрғындарға пышақпен шабуыл жасаған

2 589 просмотра

Алматыда ер адам сатушы мен тұрғынға пышақпен шабуыл жасады, деп хабарлайды қалалық полиция департаментінің баспасөз қызметі.

Баспасөз қызметінің мәліметіне сәйкес, 8 қаңтар күні сағат 13:17-де Әуезов ауданының полиция басқармасына хабарлама түскен. Достық шағын ауданындағы базарда шамамен 25-30 жастағы ер адам сатушы мен тұрғынға пышақпен шабуыл жасалғаны туралы айтылған.

Бұл сәтті куәгерлер видеоға түсіріп үлгеріпті.

"Жедел-іздестіру барысында күдікті ретінде 2011 жылдан бері "Параноидты шизофрения" диагнозымен есепте тұрған ер адам ұсталды. 9/2 жедел жәрдем бригадасының көмегімен адамдарға пышақпен шабуыл жасаған күдікті Алматы қаласындағы психологиялық денсаулық орталығына жатқызылды", - делінген қалалық полиция департаментінің баспасөз қызметі таратқан хабарламада.

Бұл факті бойынша ҚР қылмыстық кодексінің 293-бабы 2-тармағы 3-тармақшасы бойынша (бұзақылық) сотқа дейінгі тергеу басталды. Бұл бап бойынша кінәлі деп танылған адам үш жылдан жеті жылға дейін бас бостандығынан айырылады. Алайда ер адамның диагнозына байланысты түрмеге емес, емделуге жіберілуі мүмкін.

Дереккөз: Sputniknews.kz

10 қаңтар 2020, 09:41

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.