Ұлттық қауіпсіздік комитеті есірткі контрабандасының арнасы әшкере болғанын мәлімдеді, - деп хабарлайды Tengrinews.kz ҰҚК баспасөз қызметіне сілтеме жасап.
"ҰҚК Ақмола облыстық департаменті Нұр-Сұлтаннан PVP ("тұз", "ұн", "мұз" және "кристалл") синтетикалық есірткісін тасымалдаған топты құрықтады", - делінген хабарламада.
6 қарашада Ақмола облысының аймағында әлеуметтік желі және интернет-ресурстары арқылы есірткі тасымалдаған 4 тұрғын ұсталды. Ұсталғандардың тұрғылықты мекен-жайларынан 300 грамм PVP синтетикалық есірткісі, зат қалдықтары бар контейнерлер, оларды орауға арналған полиэтилен пакеттер, есірткіні қолдануға арналған құрылғылар және электрон таразылар тәркіленген.
Дереккөз: Tengrinews.kz