Атырау, 15 желтоқсан 05:00
Таңертең ашық-1, күндіз 0
ҚР Ұлттық банкінің валюта бағамы: $ 384.63  € 427.98  P 6.08

ҚР СІМ Гонконгтегі қазақстандық студенттерге елге оралуды ұсынды

18 қараша 15:45


ҚР Сыртқы істер министрлігінің бұл өтінішін студенттерге ведомствоның ресми өкілі Айбек Смадияров жеткізіп отыр, деп хабарлайды ҚазАқпарат тілшісі. 

«Гонконгтегі наразылықтың шығуына және университеттер аумағында, сондай-ақ оларға іргелес аудандарда аухалдың шиеленісуіне байланысты Гонконгтің бірқатар жоғары оқу орындары (соның ішінде қазақстандық студенттері оқып жатқан ЖОО-лар) екінші семестрге, яғни 2020 жылдың қаңтарына дейін сабақтарды тоқтату немесе қашықтықтан оқыту бойынша онлайн-базаға көшу туралы шешім қабылдады. Осыған байланысты ҚР Сыртқы істер министрлігі Гонконгте оқып жатқан барлық студенттерге Қазақстанға оралуды ұсынады. 

Сонымен қатар, ҚР азаматтарын қауіпсіздік жағдайы тұрақтанғанша, Гонконгке аса қажеттіліксіз бармауға шақырады», - деді ҚР СІМ ресми өкілі Айбек Смадияров ведомтсвода өткен баспасөз мәслихатында. ҚР СІМ ресми өкілі Гонконгте болуға мәжбүр азаматтарға барлық сақтық шараларын қабылдауды сұрады. «БАҚ-та және Гонконгтегі Қазақстанның Бас консулдығының ресми сайтында ақпаратты бақылап отыруға болады. Біздің азаматтарымыздың қауіпсіздігін қамтамасыз ету және елге уақтылы қайтып келу мақсатында «Эйр-Астана» әуе компаниясымен айыппұл төлеу және баға айырмашылығын төлеместен бұрын сатып алынған билеттерге ұшу күнін өзгерту мүмкіндігі туралы келісімге қол жеткізілді. Студенттердің көпшілігінің желтоқсан айының соңына демалысқа сәйкес билеттері бар», - деді ол. 

Айбек Смадрияров сонымен қатар, Гонконгтегі Қазақстанның Бас консулдығы қазақстандық студенттер қауымдастығымен бірлесіп, студенттерді жинау мен әуежайға дейін тасымалдау шаралары жүргізіліп жатқанын атап өтті. «Бүгінгі таңда Қазақстанға 118 студент қайтып келді. Алдағы күндері 40-қа жуық студентті қайтару жоспарланып отыр», - деді Айбек Смадияров.


Дереккөз: Inform.kz

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

369 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4