26 қазанда түстен кейін Нұр-Сұлтанда "Астана" концерт залының маңында полиция бірнеше адамды ұстап әкетті. Олар "оппозициялық қозғалыстың митингісі өтеді" деген жерден өтіп бара жатқан. Арнайы жасақ өкілдерінің екі адамды ұстағанына Азаттық тілшісі де куә болды.
Бұған дейін өзін билік оппоненті ретінде атайтын, шетелде жүрген қуғындағы бұрынғы банкир Мұхтар Әблязов 26 қазанда жақтастарын көшеге шығуға шақырған. Қазақстанның бас прокуратурасы "рұқсат етілмеген митингіге қатысу заңсыз" екенін ескертіп, митингіге шыққан азаматтардың " қатаң жазаланатынын" хабарлады.
Дереккөз: Азаттық радиосы