Атырау, 22 қараша 23:56
Таңертең ашық-8, күндіз -3
ҚР Ұлттық банкінің валюта бағамы: $ 386.44  € 428.37  P 6.06

2022 жылы еліміздегі пәтер иелері кооперативтері өз жұмысын тоқтатады

15 қазан 16:59


«ҚР Тұрғын үй мәселелесі бойынша заңға өзгерістер мен толықтырулар енгізу туралы» заң жобасы Парламент Сенатының екінші оқылымына жолданды, деп хабарлайды ҚазАқпарат тілшісі. 

Парламент Сенатының экономикалық саясат, инновациялық даму және кәсіпкерлік комитеті бүгін «ҚР Тұрғын үй мәселелесі бойынша заңға өзгерістер мен толықтырулар енгізу туралы» заң жобасын қарады. «Бұл заң жобасы үш мәрте көптің алдында талқыланған болатын. Заң жобасының алғашқы нұсқасы мен қазіргі нұсқасының айырмашылығы үлкен. Заң жобасына осы уақытқа дейін 400-ге тарта өзгеріс пен толықтыру енгізілді. Мәжіліс және Сенат депутаттары өз тарапынан тиісті ұсыныстарды енгізді. Жұмыс тобының бірнеше отырысы өтіп, ұзақ талқыдан кейін заң жобасы Сенаттың екінші оқылымына жолданды», - деді ҚР Индустрия және инфрақұрылымдық даму бірінші вице-министрі Қайырбек Өскенбаев бүгінгі Сенаттағы отырыстан кейін тілшілерге берген жауабында. 

Вице-министрдің айтуынша, ПИК-тер 2022 жылдың 1 шілдесінде жұмысын тоқтатады. «Себебі, біз норма бойынша басқару формасы өзгергенге дейін 3 жыл уақыт сұрап отырмыз. Алдағы бір жылда кез келген тұрғын үйдің тұрғындары қандай басқару формасын таңдайтынын айқындап алуы керек. Олар қарапайым серіктестікті таңдай ма, әлде, үйдің бүкіл шаруасын заңды тұлға жүргізгенін қалай ма – анықтап алуы тиіс. Яғни, тұрғындар басқару органын таңдауға құқылы. Олар заңды тұлғаға жүгінбей-ақ басқарушы компаниямен келісіп ала алады. Заң жобасы бойынша қасбеттің, шатырдың қалыпты жағдайда болуына қатысты жергілікті атқарушы органдарға үлкен құзірет беріледі», - деді ол.


Дереккөз: Inform.kz

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

573 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3