DAZN Головкин-Альварес жекпе-жегін 2020 жылы көктемде өткізуді жоспарлап отыр

2 768 рет қаралды

DAZN вице-президенті Джо Марковски Boxingscene.com порталына берген сұхбатында Геннадий Головкин мен Сауль Альварес арасындағы үшінші жекпе-жекті 2020 жылы өткізгісі келетінін айтты.

Оның айтуынша, Қазақстан және Мексика боксшыларының арасындағы келіссөздер қараша айында басталуы мүмкін.

«Біздің келісімшартта боксшыларды үлкен жекпе-жектер өткізуге міндеттейтін тұстары бар. Келісім туралы ашып айта алмаймын, бірақ, біз бұл бокс кешін өткіземіз. Мен сенемін, бұл жекпе-жек 2020 жылы өтеді. Біз ол үшін барымызды саламыз. Альварес Коволевпен жекпе-жегін өткізіп алғаннан кейін қос тарап та келіссөз жүргізуге дайын. Барлығы трилогияны күтіп отыр және мұны Golden Boy мен GGG жақсы біледі. 2 қарашадан кейін біз келіссөзге отырып, 2020 жылдың мамыр айында үшінші кездесуді өткізуге тырысамыз», - деді Марковски.

Айта кетейік, Сауль «Канело» Альварес 2 қараша күні жартылай ауыр салмақта ресейлік Сергей Ковалевпен жұдырықтасады. Ал, Головкин болса 5 қазанда украин Сергей Деревянченконы жеңіп, IBF және IBO чемпиондық титулдарына ие болды.

Дереккөз: Azattyq-ruhy.kz

13 қазан 2019, 10:30

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.