Атырау, 20 қазан 08:59
Күндіз ашық+18, кешке +11
ҚР Ұлттық банкінің валюта бағамы: $ 389.94  € 433.50  P 6.10

Үмітті ақтамадыңдар – Құлыбаев бокстан ұлттық құрама бапкерлерін қатаң сынға алды

9 қазан 14:54


Қазақстан бокс федерациясының президенті Тимур Құлыбаев бокстан ұлттық құрама бапкерлерін қатаң сынға алды, деп хабарлайды ҚазАқпарат тілшісі. 

«Левитке қатысты әділетсіздік болды деп жатырсыздар. Ендеше, ол мәселені уақтылы көтеру керек болатын. Ал сіздер бүгін бізді заңгерлік мүмкіндіктен айырып отырсыздар. АІВА-да, Халықаралық Олимпиада комитетіне де шыға алмаймыз енді. Себебі, сіздер регламентті орындамадыңыздар. Сіздер біздің бәріміздің үмітімізді ақтамадыңыздар. Сол себепті, сөгіс сіздерге әділетті түрде жарияланды. Әйтсе де, Әлем чемпионатына боксшыларды жақсы шыңдап барғандықтан, сіздерді сыйақыдан айырған жоқпыз. Сол себепті, алдағы уақытта бас бапкер ретінде толығымен міндетіңізді орындауыңыз керек. Бүкіл командаға үлгі болып, адамдарды бағыттау қажет», - деді Құлыбаев Қазақстан бокс федерациясының отырысында. 

Еске сала кетсек, Ғалымбек Кенжебаев бастаған бокстан ұлттық құраманың барлық бапкерлеріне сөгіс жарияланған болатын. Бұл шешімді Қазақстан бокс федерациясының жаттықтырушылар штабы Екатеринбургтегі Әлем чемпионат нәтижелерін сараптай отырып қабылдады. ӘЧ-нің жартылай финалында Василий Левиттің айқасында төрешілер эквадорлық боксшының жеңісіне күмәнді шешім қабылдаған болатын. 

Левиттің секунданттары айқастың нәтижесіне наразылық білдіруі керек еді. Ережеге сәйкес, жаттықтырушылар төрешілерге жекпе-жектен кейін 60 секунд ішінде сары қағаз беруі тиіс. Бірақ, секундандтар бұл құқықты бірден пайдаланбай, уақыт жоғалтып алған.

Дереккөз: Inform.kz

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

264 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3