Ақмола облыстық полиция департаментінің бастығы қызметінен босатылды

2 647 просмотра

ҚР Ішкі істер министрі Ерлан Тұрғымбаев Ақмола облысы полиция департаментінің басшысын қызметінен босатты, деп хабарлайды Zakon.kz ҚР ІІМ баспасөз қызметіне сілтеме жасап.

Ақмола облыстық полиция департаменті бастығының орынбасары А.Садуов пен Қаржылай қамту басқармасының бастығы С.Жұмалинаның тергеуге алуына байланысты облыстық полиция департаментінің бастығы, генерал-майор Б.Биляловтың қызметінен босатуға рапорт жолданды.

ҚР Ішкі істер министрінің бұйрығымен ҚР Ішкі істер министрлігі Криминалдық полиция департаментінің бастығы, полиция генерал-майоры Арманбек Хакімбекұлы Баймурзин Ақмола облысы полиция департаменті бастығының міндетін атқарушы болып тағайындалды.

Арманбек Баймурзин 1974 жылы 3 сәуірде Көкшетау облысы Щучинск қаласында дүниеге келген.

Дереккөз: Zakon.kz

8 қазан 2019, 10:34

WhatsApp арқылы хабар жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.