Қазақстанда сот шешімі шыққанға дейін күдіктілердің шашын қырмайтын болды - Тұрғымбаев

Қазақстанда күдіктілердің шашын сот шешімі шыққаннан кейін алатын болады. Бұл туралы ішкі істер министрі Ерлан Тұрғымбаев айтты, - деп хабарлайды Tengrinews.kz тілшісі.  

"Дәрігердің шашын тықырлап алып тастау жайында. Кейбір изоляторларда санитарлық эпидемиологиялық нормалар аясында іске асырылатын ережелер бар. Тықырлап алмайды, тек қысқартады. Қазір мен осы бұйрықты алып тастау шешімін шығардым. Сот шешіміне дейін, адамның колонияға түсуіне дейін, бұл шара қолданылмайды", - деді министр үкімет кулуарында.  Ведомство басшысы, осы шешімнің кеше, 30 қыркүйекте Ішкі істер министрлігі отырысында қабылданғанын айтты. 

Дереккөз: Tengrinews.kz