Мемлекет басшысы Қасым-Жомарт Тоқаевтың Жарлығымен Тимур Сүлейменов ҚР Президенті Әкімшілігі басшысының орынбасары болып тағайындалды, деп хабарлайды Ақорда.
"Тимур Мұратұлы Сүлейменов Қазақстан Республикасы Президентінің Әкімшілігі Басшысының орынбасары болып тағайындалсын, ол Қазақстан Республикасы Президентінің көмекшісі қызметінен босатылсын", делінген жарлықта.
Сондай-ақ, мемлекет басшысы Талғат Қалиевті ҚР Президенті жанындағы Орталық коммуникациялар қызметінің басшысы етіп тағайындады.
«Талғат Бегімұлы Қалиев Қазақстан Республикасының Президенті жанындағы «Орталық коммуникациялар қызметі» республикалық мемлекеттік мекемесінің директоры қызметіне тағайындалды», делінген құжатта.