Атырау, 22 тамыз 11:56
Күндіз ашық+38, кешке +31
ҚР Ұлттық банкінің валюта бағамы: $ 386.05  € 428.25  P 5.84

Қазақстандықтардың жаңа көліктерге сұранысы қандай

17 шілде 11:48


Биыл жарты жылда Қазақстанда 31 мыңға тарта жаңа жеңіл автокөлік сатып алынды, оның ішінде 17 мыңнан астамы елімізде құрастырылған. Бұл туралы ҚазАқпарат EnergyPromға сілтеме жасап хабарлайды. 

«2019 жылдың маусым айында коммерциялық жеңіл көліктерді қоса есептегенде қазақстандықтар 6 мыңнан асатын автомобиль сатып алды. Бұл көрсеткіш мамыр айына қарағанда 2,7 пайызға, ал былтырғы маусым айымен салыстырғанда 12,5 пайызға артық. Жалпы, бірінші жартыжылдықта жаңа жеңіл көліктердің сатылымы 30,8 мыңға жетіп, өсім 18,3 пайызды құрады», - делінген хабарламада. 

Атап айтқанда, сатып алынған отандық көліктер үлесі бір жылда 47,1-ден 55,8 пайызға дейін өсті, сондай-ақ импорттық автомобильдер сәйкесінше 52,9-дан 44,2 пайызға дейін қысқарды. Қазақстандық зауыттардан шыққан жеңіл көліктердің сатылымы 40,1 пайызға артты, яғни жартыжылдықта 17,1 мың автокөлікке дейін жетті. Өткізілген импорттық машиналар 13,6 мыңды құрады. 

Бұдан бұрын хабарланғандай, биылғы бірінші жартыжылдықта Қазақстан азаматтары 282,5 млрд теңгеге 30 754 жаңа жеңіл көлік және жеңіл коммерциялық автомобиль сатып алды.

Дереккөз: Іnform.kz 

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

635 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4