Лондон Олимпиадасының чемпионы Головкинмен жекпе-жек өткізбек

671 рет қаралды


2012 жылғы Лондон Олимпиадасының чемпионы, жақында ғана орта салмақта WBA белбеуін қайтарып алған Риота Мурата дивизион көшбасшысы қазақстандық Геннадий Головкинмен жекпе-жек өткізуге ниетті. Бұл туралы жапон боксшысының промоутері Боб Арум айтты, - деп хабарлайды Vesti.kz. 

Арумның айтуынша, Мурата орта салмақта мегафайт өткізуді қалайды, сондықтан келесі қарсыласын таба алмай жүрген Головкин және мексикалық Сауль Альвареспен жекпе-жек өткізуді жоспарлап жүр.  Ал Головкин "Канелоны" қыркүйекте трилогия өткізуге шақырған, бірақ мексикалық боксшы одан бас тартқан болатын. Оның орнына Альварес WBO-ның әртүрлі салмақтағы үш чемпионына ұсыныс жасаған еді. 

Айта кетейік, Мурата 12 шілдеде америкалық Роб Брантты нокаутпен жеңіп, WBA белбеуін қайтарып алған болатын. Осылайша, жапон боксшысы былтыр күзде Брантта кеткен есесін қайтарды - ол кезде америкалық боксшы төрешілер шешімімен жеңіске жеткен еді. 

Дереккөз: Vesti.kz


17 шілде 2019, 10:09

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.