Гвардейск гарнизонындағы жұмысы сапары аясында генерал-майор Нұрлан Ермекбаев оқ-дәрілердің сақталуы шарттары мен тәртібін, жеке құрамның өртке қарсы қауіпсіздік талаптарының сақталуы мәселелерін тексерді.
Әскери ведомство басшысы зымырандар мен оқ-дәрілерді сақтау мен сақталуы тәртібі, қару-жарақ, әскери және арнайы техниканың жабдықталуы мен жай-күйі, сондай-ақ өзге де материалдық-техникалық құралдармен қамтамасыз етілуі туралы лауазымды адамдардың баяндамасын тыңдады. Қойманы тексеру нәтижелері бойынша оқ-дәрілерді, қару-жарақ пен әскери техниканы сақтау жөніндегі нысанның қауіпсіздік деңгейін арттыру, әскери қызметшілердің өртке және диверсияға қарсы қауіпсіздік талаптарын мүлтіксіз сақтауы жөнінде нақты тапсырмалар айқындалды.
Дереккөз: Mod.gov.kz