В Атырау -1 
Елорда уақытымен сағат 10:00-дегі жағдай бойынша Қазақстанда сайлаушылардың 12,8 % дауыс беруге келді. Бұл туралы Орталық сайлау комиссиясының мүшесі Ақылбек Ихданов мәлімдеді, деп хабарлайды Sputnik Қазақстан тілшісі.
Айта кетсек, сайлау учаскелері жергілікті уақытпен таңғы 07:00-де жұмысын бастады. Дауыс беру кешкі 20:00-ге дейін жалғасады.
Орталық сайлау комиссиясы таңғы сағат 08:00-де сайлау учаскелері еліміздің барлық өңірінде ашылғанын хабарлады. Олардың жалпы саны 9920. Оның ішінде 15 шет мемлекетте 17 сайлау учаскесі жұмысын бастаған. Уақыт белдеуіне байланысты Қазақстанның бес өңірінде – Ақтөбе, Атырау, Батыс Қазақстан, Маңғыстау және Қызылорда облыстарында сайлау учаскелері елорда уақытымен 08:00-де ашылды.
Тізімге енгізілген сайлаушылар саны 11 миллион 947 мың 995 адамды құрап отыр.
Осы жолы Қазақстан президенттігіне жеті адам таласады:
Қазақстан коммунистік халық партиясы атынан Жамбыл Ахметбеков;
"Ақ жол" демократиялық партиясы атынан Дания Еспаева;
"Ұлт тағдыры" қозғалысы атынан Әміржан Қосанов;
"Ауыл" партиясы атынан Төлеутай Рақымбеков;
Кәсіподақтар федерациясы атынан Амангелді Таспихов;
Nur Otan партиясы атынан Қасым-Жомарт Тоқаев;
"Ұлы дала қырандары" қоғамдық бірлестігі атынан Сәдібек Түгел.
Дереккөз: sputniknews.kz