«Құрметті Сенатор» мәртебесіне ие Елбасы Нұрсұлтан Назарбаев Сенат отырыстарына қатысып, маңызды мәселелерде өз пікірлерін айтады. Бұл туралы Парламент Сенатының спикері Дариға Назарбаева мәлім етті, деп хабарлайды ҚазАқпарат.
«Шақыруымызды қабыл алып, отырысымызға қатысып, Президент Қасым-Жомарт Тоқаевтың ұсынысы бойынша Сенат бекіткен «Құрметті Сенатор» мәртебесін қабыл алғаныңыз үшін шынайы ризашылығымызды білдіреміз. Сіз әрқашан Сенатқа келіп, Бюро, комитет және палата отырыстарына қатысып, аса маңызды мәселелер бойынша өзіңіздің көзқарасыңызбен, көреген парасатты ой-пікірлеріңізбен бөлісе аласыз», - деді Дариға Назарбаева Сенатта өткен салтанатты шарада.
Дереккөз: inform.kz