​Вице-министр Эльмира Суханбердиева қамауға алынды

Білім және ғылым вице-министрі Эльмира Суханбердиева 2 айға қамауға алынды, - деп хабарлайды Tengrinews.kz тілшісі. 

"Мамандандырылған ауданаралық тергеу соты күдікті Суханбердиева Эльмира Амангелдіқызын 2 тамызға дейін қамауға алу түріндегі бұлтарпау шарасын таңдады", - деді соттың баспасөз қызметіндегілер. 

Еске салайық, мұның алдында Ұлттық бюроның білім және ғылым вице-министріне қатысты қылмыстық іс қозғағаны хабарланған болатын. 

Эльмира Суханбердиева 1971 жылы 26 қазанда Атырау облысында дүниеге келген. 1995 жылы Әл-Фараби атындағы Қазақ ұлттық университетін тәмамдаған.

Дереккөз: tengrinews.kz