​Қарағандыда 1 миллион теңге тұратын алтын бұйымдарды ұрлағандар ұсталды

19 наурызда Қарағанды облысында ұрлықшылар пәтерден жалпы бағасы 1 миллион теңге болатын алтын бұйымдарды ұрлап кеткен, - деп хабарлайды Тengrinews.kz тілшісі облыстық полиция департаментінің баспасөз қызметіне сілтеме жасап. 

Бұл іс бойынша ҚР Қылмыстық кодексінің 188-бабы, 2-бөлімінің 3-тармағы бойынша тергеу жұмыстары жүрді. "Михайловскийдегі полиция бөлімі жүргізген тергеу барысында қаланың 21-ден 26 жасқа дейінгі үш тұрғыны ұсталды. Олар кінәларын мойындады. Заттай дәлелдер - қайқы кілт пен алтын бұйымдар табылды", - деді Қарағанды облыстық полиция департаментінің баспасөз қызметі.

Сонымен қатар, күдіктілер Қарағанды мен Теміртауда бірнеше үйді тонап кеткендерін мойындаған.

Дереккөз: tengrinews.kz