Атырау, 23 шілде 07:38
Күндіз ашық+30, кешке +24
ҚР Ұлттық банкінің валюта бағамы: $ 384.52  € 431.32  P 6.10

Зауыт үшін бір жарым метрлік бекіре ұсталды  

8 сәуір 16:14


Дәстүрлі «Бекіре-2019» балық қорғау акциясының алғашқы аптасында 38 табиғат қорғау заңнамасын бұзу фактісі анықталды. Оның ішінде, 32-сі Атырау облысының аумағына, 4-еуі Батыс Қазақстан облысына, 2-еуі Маңғыстау облысына тиесілі. Браконьерлерден 700 кг балық, оның ішінде 109 келі бекіре тұқымдас балық тәркіленіп, екі қылмыстық іс қозғалды.


- Талдау жұмыстары өткен жылмен салыстырғанда құқық бұзушылықтар санының азайғанын көрсетіп отыр, - дейді аумақтық орман шаруашылығы және жануарлар дүниесі инспекциясының ресми өкілі Олег ТУШКАНОВ. - Дегенмен, заңсыз балық аулау жалғасып келеді. Мысалы, 2 сәуірде Индер ауданында балық қорғау қызметкерлері  5 адамды ұстап, олардан жалпы салмағы 85 келі қара балық пен 2 синтетикалық моноталшықтан жасалған тыйым салынған ау құралын тәркіледі. Бір апта ішінде Жайықты сүзгенде, жалпы салмағы 84 келі қара балық түскен 4 браконьерлік ау құралы табылды. Күн сайын Жайық арнасынан браконьерлік аулау құралдарын сүзу және тазарту жұмыстары жүргізіледі.

- «Бекіре-2019» барысында негізгі күштер қай жерге жұмылдырылған?

- Барлық бағыт бойынша жұмыс істейміз. Атап айтқанда, едәуір күш Исатай ауданының Жанбай ауылына жақын жерге шоғырландырылған. Ұтқыр топтың әрекеттерін жалпы үйлестіруді тікелей Атырау облысының мамандандырылған табиғат қорғау прокуроры жүргізеді.

- Маңғыстау облысындағы ахуал қандай?

- Ол жерде де балық қорғау акциясы жүргізілуде. Мысалы, 3 сәуірде Ақшұқыр ауылындағы «Рубеж-20» бекетінде Ақтау тұрғыны жүргізіп келе жатқан автокөлікті тексеру барысында жалпы салмағы 77 келі болатын 19 дана бекіре тұқымдас балық табылып, тәркіленді. ҚР ҚК-нің 339-бабы (Жануарлардың пайдалануға тыйым салынған түрлерімен заңсыз айналысу) бойынша сотқа дейінгі тергеу жұмыстары басталды.


- Көктемгі балық аулау маусымы қалай жүріп жатыр?

- Жұма күні балықшылар ұзындығы 1 метр 57 см бекіре мен 95 см шоқыр аулады. Мемлекеттік тапсырысты орындау барысында бекіре тұқымдас балық өсіру зауыттары үшін 10 өндіруші, соның ішінде 6 бекіре, 3 шоқыр және бір сүйрік балық ауланды. Жайық өзеніндегі көктемгі балық аулау маусымы 24 сәуірде, теңіз бөлігінде 9 мамырда және Құрманғазы ауданында 24 мамырда аяқталатынын атап өткен жөн.

Фархат ӘБІЛОВ

Суреттерді түсірген автор және аумақтық орман шаруашылығы және жануарлар дүниесі инспекциясының баспасөз қызметі ұсынған сурет

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1199 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4

Последние новости