Атырау әуежайында полицей әйелді жаралады

Бүгін,  29 наурызда Атырау әуежайында желілік полиция бөлімінің қызметкері жолаушы күткен әйелдің аяғына оқ атты.

Жолаушылар терминалында сағат 16.30 шамасында атылған тапаншаның дыбысы гүрс етті. Болжам бойынша, желілік полицияның кезекші қызметкері  М.М. қару-жарақ бөлмесінде Макаров тапаншасын тексеріп көрмек болып, кездейсоқ атып жіберген. Оқ пластик қабырғадан өтіп, залда Астанадан келетін туыстарын күтіп жүрген жас әйелдің аяғына тиеді. Жаралы облыстық ауруханаға жеткізілді. Сотқа дейінгі тергеу жұмысы басталды.

Зульфия БАЙНЕКЕЕВА

Куәгер түсірген бейнежазба