Атырау, 29 наурыз 19:48
 ашықВ Атырау +1
$ 448.15
€ 483.46
₽ 4.86

​Денис Теннің өлімі бойынша істегі күдіктінің анасы: "Қызым ол жігіттер жайлы айтпайтын"

1 832 просмотра


Денис Теннің өлімі бойынша істегі күдікті 22 жастағы Жанар Толыбаеваның анасы қызымен болған жағдайға қатысты пікір білдіріп, өз болжамын айтты, - деп хабарлайды Tengrinews.kz тілшісі. 

Гүлстан Ілиясованың айтуынша, қызы бұл қылмыс жайлы күдіктілердің бірі айтып, ол жайлы ешкімге айтпауын сұраған. Содан қызы жасалған қылмыс жайлы ешкімге айтпаған, сол себепті де ол қылмысты хабарламағаны үшін айыпталып отыр.

"Жанар өте белсенді қыз болатын, барлық іс-шараға қатысатын. Волейбол ойнайтын, жарыстарға қатысып, жеңіске жететін. Ауылда ол ешкіммен сөзге келіп қалмайтын. Қазір ол сол жігіттермен сол келісімге келді деп айыпталып жатыр. Менің қызымның кінәсі жоқ", - дейді Гүлстан.

Қыздың 14 шілдеде Жамбыл облысынан Алматыға келгені айтылады. Жанар бастауыш сынып оқушыларының мұғалімі мамандығына оқыған екен. Ал биыл жазда ол кафеде даяшы болып жұмыс істемекші болған. 

"Отбасымызда 11 адам, менің алты балам бар. Әкесі зауытта жұмыс істейді, қазір денсаулығына байланысты екі ай уақыт жұмыс істемей жүр. Қызым ол күдіктілермен пәтерде бірге тұрған құрбысы арқылы танысқан. Ол жігіттер Астанадан Алматыға 17 шілдеде келген. Олар ол уақытқа дейін таныс болмаған. Қиясов менің қызымның жігіті болды. Бірақ қызым олар жайлы айтпайтын", - деп еске алды әйел.

Айта кетейік, 22 жастағы Жанар Толыбаева Денис Теннің өлімі бойынша істе үшінші күдікті ретінде өтіп жатыр. 27 шілдеде ол 2 айға қамауға алынған болатын. ІІМ басшысы Жанар Толыбаеваның Жамбыл облысынан келгенін және Алматыда даяшы болып жұмыс істегенін айтқан еді. Денис Теннің өлімі бойынша ұсталған адам жайлы не білеміз? Еске салайық, 19 шілдеде Алматыда белгісіз біреулер Денис Тенді пышақтап кеткен болатын. 

Оқиға шамамен 15.00-де Құрманғазы мен Байсейітова көшелерінің қиылысында болған. Кейін қалалық ІІД өкілдері Денис Тенге автоұрылар шабуыл жасағанын мәлімдеді. Сөйтсек, спортшы ұрылардың үстінен түскен болып шықты. Жанжал кезінде спортшының аяғына пышақ тиіп, көп қан жоғалтқан. Ол ауруханада көз жұмды.

Дереккөз: tengrinews.kz

17 тамыз 2018, 09:57

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.