​Шри-Ланкада нөсер жауын 5 адамның өмірін қиды

Шри-Ланкада нөсер жауын 5 адамның өмірін қиып кетті, деп хабарлайды ҚазАқпарат Анадолы агенттігіне сілтеме жасап. 

Шри-Ланкада найзағай ұрып, нөсер жауынның салдарынан көшкін жүріп, алдын ала мәліметтер бойынша, 5 адам мерт болған. Шри-Ланканың табиғи апаттарды басқару орталығы өкілдерінің хабарлауынша, көшкіннің салдарынан 2 адам, найзағай ұрып 3 адам мерт болды. 

Елде нөсер жауын 20 мамырдан бері толастар емес. Қауіпсіз аудандарға мыңнан астам адам көшірілді. 

Көшкін жүретіні туралы 5 округте ескерту жарияланды. Метеорологиялық басқарма өкілдері жергілікті тұрғындарды найғазайдың салдарынан сақтануға шақырды.

Дереккөз: inform.kz