​92 жастағы оппозиционер Малайзия премьері болды

Малайзия сайлауында жеңіске жеткен "Үміт Альянсы" оппозициялық партиясының лидері Махатхир Мохаммад елдің жетінші премьер-министрі қызметіне тағайындалды. Бұл туралы Bernama малайзиялық мемлекеттік ақпарат агенттігі хабарлады, - деп жазады РИА Новости. 

Оның антын Малайзия королі Мұхаммад Бесінші Куала-Лумпурдағы корольдік сарайда қабылдады.  92 жастағы Махатхир Мохаммад осымен екінші рет ел үкіметінің басшысы қызметіне тағайындалып, премьер-министр қызметіндегі ең егде шенеунік атанды. 

Махатхир Мохаммад алғаш рет бұл қызметке 1981 жылы келген еді, сол кезде ол 56 жаста болатын. Бұл қызметтен ол 2003 жылы кеткен.  9 мамырда, сәрсенбі күні өткен сайлауда "Барисан Насиональ" коалициясынан елдің пост-колониалдық тарихында тұңғыш рет билікті алып отыр.  

Махатхир Мохаммадты АҚШ президенті Дональд Трамп құттықтады.

Дереккөз: tengrinews.kz