Оңтүстік және Солтүстік Корея бітімге келді

Оңтүстік және Солтүстік Корея көшбасшыларының жұма күнгі тарихи саммитінің басты нәтижесі Корея түбегінің бірігуі мен бейбітшілік туралы бірлескен декларацияға қол қоюы болып отыр, деп хабарлайды Рёнхап. 

Бірлескен Пханмунджом декларациясында Оңтүстік Корея президенті Мун Чжэ Ин мен солтүстіккореялық көшбасшы Ким Чен Ын Корей түбегіндегі ядролық қарусыздану процесі - тараптардың ортақ мақсаты екенін атап өткен. 

Декларацияда Оңтүстік және Солтүстік Корея арасында жердегі, теңіздегі және әуедегі барлық жауласу әрекеттерінің тоқтатылатыны айтылған және демилитаризацияланған аймақты бейбітшілік аймағына айналдыру бастамасы көтерілген.

Дереккөз: inform.kz