Ауылда ақша алу қиын

Сурет Бейнежазба

5 028 просмотра

Қызылқоға ауданы Сағыз ауылында 7000-нан астам адам тұрады. Ауылда «Қазпоштаға» қарайтын екі банкомат бар. Алайда, қалыпты жұмыс жасамауына байланысты тұрғындар уақтылы зейнетақы, түрлі жәрдемақы, еңбекақыларын ала алмай жүр.

Округ әкімдігі кеңсесінде орналасқан «Сағыз-1» пошта бөлімшесіндегі банкомат бірнеше айдан жұмыс жасамайды. Жуырда іске қосқанымен екі күннен соң кері бұзылған.

- Қажетті ақшаларымызды уақытында ала алмаймыз. Әсіресе, зейнетақы алған кезде банкомат бұзылады немесе ішінде ақша болмай сансыратып қояды. Сондай-ақ, кешкі 6-дан кейін пошта ғимаратына кіре алмайсың, - дейді тұрғындар.

- Біз бірнеше рет аудандық пошта торабы бастығына ескерту жасадық. Шынымен, банкоматтан ақша алудың қиындығына тап болып отырған жұртшылық жайын жақсы түсінеміз, - дейді Сағыз селолық округі әкімінің міндетін атқарушы Қуанай ИЗМАҒАНБЕТОВ.

Қуанай ИЗМАҒАНБЕТОВ

Қызылқоға аудандық пошта байланыс торабының бастығы Тілекқабыл ҒҰБАЙДУЛЛИН былай дейді:

- Сағыздағы екі банкоматтың бірі мүлдем жұмыс жасамайды, ал екіншісі халыққа тұрақты қызмет етіп жатыр. Кейбір клиенттер карточкасын дұрыс салмай, банкомат тұрып қалады. Бағдарламашы Миялы ауылында тұрады. Ал округтегі кеңсесінде орналасқан пошта бөлімшесіндегі банкоматтың қуаттылығын көбейтіп, модемін ауыстырғанымен жұмыс жасамай тұр. Біз Ақтөбеден мамандар шақырып отырмыз. Тағы бір мәселе - бейнебақылау жоқ. Әкімдік егер бейнебақылау орнатса, онда біз банкоматты ғимарат сыртына шығарар едік. Жуырда үшінші банкоматты сауда орталығының сыртына орналастыру көзделуде. Онда оның уақытына шектеу болмасы анық.

Ләззат ҚАРАЖАНОВА

Суреттерді және бейнежазбаны түсірген автор

9 сәуір 2018, 16:13

WhatsApp арқылы хабар жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.