Құс өнімдерінен сальмонеллез таяқшалары табылды

Атырауда тексеру барысында кейбір ресейлік кәсіпорындар өндірген тауық етінен сальмонелла мен ішек таяқшасы табылды.

«АЖ»-ға қалалық қоғамдық денсаулық сақтау басқармасынан хабарлағандай, «Брянский бройлер», Ставрополь өлкесінен әкелінген «Благояр» мұздатылған өнімдерінде, «СПК Курников» өндірген «Натуральный» тауық фаршы, «Курочкино» ет өңдеуші кәсіпорнының «Достойный выбор» өнімінен де сальмонелла мен ішек таяқшасының бактериалды тұқымдануы анықталған. Бұл бактериялар өткір жұқпалы ауруларға шалдықтырады. Қазіргі кезде тауар сатылымнан алынып тасталды, дистрибьюторларға әкімшілік шаралар алынды.

Фархат ӘБІЛОВ