Атырау, 29 наурыз 20:24
 ашықВ Атырау +1
$ 448.15
€ 483.46
₽ 4.86

ТКШ: не, қайда, қашан

3 053 просмотра


2017 жылы Атырау облысында мемлекеттік тұрғын үй қорынан 206 адам үй алған. Бүгінде облысымызда апатты 65 көппәтерлі үй мен жатақхана бар. 164 елді мекеннің 36-сы орталық су жүйесіне және 34-і газ желісіне қосылмаған.  Бұл туралы брифингте Энергетика және ТКШ басқармасы басшысының орынбасары Марат ИҒАЛИЕВ мәлімдеді.

 «АЖ» сұрақтары:

- Облысымызда мемлекет есебінен үй алуға неше адам кезекте тұр?

- 2018 жылдың 1 қаңтардағы есеппен  - 24 710  адам.   Оның ішінде: жетім және ата-ана қамқорлығынсыз қалған – 1 385 адам, әлеуметтiк жағынан осал топтарына жататын отбасылар –  9 812, мемлекеттік және бюджеттік мекемелер  қызметкері - 13062 және 451 апатты үйлер тұрғындары.

- Өткен жылы апатты деп танылған неше үй күрелді? Оларға үй берілді ме?

- 2017 жылы 16 пәтерлі 1-ақ үй күрелді. Оларға Нұрсая ықшамауданындағы жаңа үйлерден пәтер берілді.

- 2017 жылы Верхний өткелі №1,3 үйлерін, Досмухамбетов көшесі, №15, А.Құнанбаев, №13, Гагарин, №124 мекенжайларындағы жатақханаларды күреу жоспарланған болатын. Алайда бұл жоспар орындалған жоқ. Себебі не?

- Бюджеттен қаражат бөлінбеуіне байланысты кейінгі уақытқа қалдырылды.

- Қызыл үй, Жасқайрат, Тасқұдық, Саркөл, Сарқұмақ, Былқылдақты, Қоңыраулы, Кенбай ауылдарының тұрғындарына газ қашан жетеді?

-Жұмыстар 2019-2020  жылдары аралығында жүргізіледі деп жоспарланған.

- Азғыр ауылы электр энергиясын Ресейден алып отыр. Бұл ауыл тұрғындары қашан Қазақстандық электр жүйесімен қамтамасыз етіледі?

- Бүгінде Азғыр елді мекені электр энергиясын Ресей Федерациясынан 110 кВ әуе желісімен алып отырғандығы рас. Алайда қазір ұзындығы 205 шақырымды құрайтын «Ганюшкино-Асан» электрлі әуе желісін жүргізу үшін жоба-сметалық құжаттамасы әзірленіп жатыр. Жоба бойынша 10 елді мекенге электр желісі тартылады. Жобалау жұмыстары ағымдағы жылы  аяқталып, жоспарға сәйкес қаражат бөлінуіне байланысты  құрылыс-монтаж жұмыстары жүргізіледі.

Фархат ӘБІЛОВ

Суретті түсірген автор

4 сәуір 2018, 17:37

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.