"Мерседестер" алысқа ұзамады

Өткен тәуліктерде Атыраудың екі тұрғыны «Mercedes» маркалы автокөліктерінің ұрланып кеткені туралы полицияға шағымданды. 

Бірінші жағдайда көлік иесі Авангард ықшамауданындағы үйдің ауласына түнде қойылған көлігінің жоғалғанын таңертең білген. Қысқа уақыт ішінде Атырау ІІБ қызметкерлері көлік ұрлаушыны қала сыртындағы Сарыөзек ауданынан ұстайды. Сол күні тағы бір «Mercedes» ұрланып кеткен. Кешікпей полицейлер күдіктіні Алмагүл ықшамауданынан ұстаған. 

- Екі ұсталушыға да қатысты сотқа дейінгі тергеу жұмыстары басталды, - деп хабарлады Атырау облыстық ІІД баспасөз қызметі. – Жыл басынан бері көлік ұрлау бойынша 12 факт тіркелді, олардың 11-і тез арада табылды.

Фархат ӘБІЛОВ

Бейнежазбаны Атырау облыстық ІІД баспасөз қызметі ұсынды