​АҚШ Сириядан таяу арада кетеді - Трамп

Америка президенті Дональд Трамп Ричфилдте сөз сөйлеу кезінде АҚШ-тың Сириядан кетуі мүмкін екенін мәлімдеді, - деп хабарлайды RT. 

Дональд Трамптың айтуынша, АҚШ мұндай қадамға ДАИШ террористік ұйымы талқандалған соң барады. 

"Біз ДАИШ-тың жынын қағып аламыз, таяуда Сириядан кетеміз. Енді бұл жайлы басқа адамдар ойласын", - деді Трамп.

Сондай-ақ, Трамптың осыған дейін Түркия президенті Реджеп Тайып Ердоғанмен телефонмен сөйлесу барысында ДАИШ-ты толықтай жеңу қажеттігі жайлы айтқаны айтылады. 

"Трамп екі тараптың да бір мақсаты болуы керектігін айтып өтті. Ол ДАИШ-ты жеңіліске ұшырату", - делінген Ақ үйдің мәлімдемесінде.

Дереккөз: tengrinews.kz